Маңғыстау облысының әмбебап кітапханасы : Жаңалықтар : "Білігі сай, түйгені мол геолог"

"Білігі сай, түйгені мол геолог" - Шаңырбаев Иманмәді Шаңбасұлы

0
Оқылған саны: 1180

24 қаңтар күні Қ.Сыдиықов атындағы әмбебап кітапханасында, Маңғыстаудың азаматы бас геолог Шаңырбаев Иманмәді Шаңбасұлының 75 жас толуына орай "Білігі сай, түйгені мол геолог" атты кездесу кешіміз өтті. Кештің қонақтары: Бас геолог болған, қазір зейнеткер жасында Шағырбаев Иманмәді Шаңбасұлы. "Ш.Есенов атындағы Каспий технологиялар және инжиниринг университетінің "Экология және геология" кафедрасының профессоры Қожахмет Қосарбай Әбдірахманұлы және аға оқытушы Қылышбаева Нұрлыгүл Жаңашайқызы мен 3-4 курс студенттері.

Кеш қонағы И.Ш.Шаңбасұлы өз өмірбаянын және еңбектері туралы, жұмыс барысында болған қиында, қызықты күндерін студенттерге айтып берді және сонымен бірге "Экология және геология кафедрасының профессоры Қ.Қ.Әбдірахманұлы студенттерге бұрынғы мұнайшылардың қалай мұнай өндіргенін, бәрін қолмен жасап, мұнай қиындықпен келгенін, қазіргі жастарға тек білім алып, оқу керектігін алға тартты.

Студенттер қонағымызға сауалдарын қойып, өз жауаптарын алды. Кездесу кеші өте жақсы өтті. Кеш соңында бейнетаспа жіберіліп, қонағымызға сыйлықтар табысталып, студенттерімізге алғыс хат берілді.

Мақсаты: Қазақ мұнайшыларының қилы тағдыры мен қиын тұрмысы, жаңа қоғамды орнатудағы табандылықпен істеген жұмыстары, кейінгі өскен ұрпақ үшін айтарлықтай өнеге болары анық.

#маңғыстауоблыстықкітапхана#

#"Білігісай,түйгенімолгеолог"#

#техникалықәдебиетбөлімі#